Maxfiylik siyosati

Oxirgi yangilanish: 2026-yil 16-sentabr.

Ushbu siyosat turchi.uz sayti va «Turchi.uz — tur va aviachipta» mobil ilovasi qanday ma'lumot yig'ishini, uni nima uchun ishlatishini, kimga berishini, qancha saqlashini va qanday o'chirish mumkinligini tushuntiradi. Ma'lumotlar operatori — Turchi.uz sayohat agentligi, Toshkent, O'zbekiston. Biz bilan +998 91 197 30 30 raqami yoki Telegramdagi @turchiuz orqali bog'lanishingiz mumkin.

1. QANDAY MA'LUMOT YIG'AMIZ

Akkaunt. Telefon raqami — siz shu raqam bilan kirasiz va menejer shu raqamga qo'ng'iroq qiladi. Ro'yxatdan o'tishda ism, tug'ilgan sana, jins va shaharni so'raymiz. Telegram orqali kirsangiz, Telegramning o'zi tasdiqlagan identifikator va telefon raqamini olamiz.

Arizalar va bronlar. Tanlangan tur, sanalar, sayohatchilar soni va sizning izohingiz. To'lov cheki yuborsangiz, yuklangan fayl saqlanadi.

Sharhlar. Sharh matni, baho va biriktirilgan foto yoki videolar. Sharh ostidagi ism va shahar profilingizdan olinadi — alohida so'ralmaydi. Sharhlar moderator tekshirgandan keyingina chiqadi. Yuklangan suratlardan suratga olish metama'lumotlari, jumladan koordinatalar, o'chiriladi.

Menejer bilan yozishma. Siz qo'llab-quvvatlash xizmatiga yozgan xabarlar va xodimlarimizning javoblari.

Texnik ma'lumotlar. Ilova birinchi ochilganda tasodifiy o'rnatma identifikatori yaratiladi. Qurilmaning reklama identifikatorini (IDFA) so'ramaymiz va ishlatmaymiz. Bildirishnomalarga ruxsat bergan bo'lsangiz, ularni yetkazish uchun token saqlanadi. Qaysi ekran va turlarni ochganingizni qayd etamiz — bu odamlarga qulayroq bo'lishi uchun kerak. Saytdan ariza yuborilganda IP manzil saqlanadi, u spamdan himoya uchun.

Suratlarga ruxsat faqat siz sharhga yoki chekka fayl biriktirgan paytda so'raladi. Ilova joylashuvni so'ramaydi: ob-havo yo'nalishning koordinatasi bo'yicha ko'rsatiladi, sizning joylashuvingiz bo'yicha emas.

2. NIMA UCHUN ISHLATAMIZ

Akkauntga kirishingiz, bron qilish va uni yuritish, ariza bo'yicha siz bilan bog'lanish, sharhingizni boshqa sayohatchilarga ko'rsatish, qo'llab-quvvatlashda javob berish, bron holati haqida xabar yuborish va ilovaning qaysi bo'limlari kerakligini tushunish uchun. Ma'lumotingizni sotmaymiz, reklama tarmoqlariga bermaymiz va sizni boshqa kompaniyalarning ilovalari va saytlari bo'ylab kuzatmaymiz.

3. KIMGA BERAMIZ

Faqat xizmat ishlashi uchun zarur bo'lganlarga va faqat kerakli hajmda:

Eskiz (eskiz.uz, O'zbekiston) — kirish kodi bilan SMS yuborish; telefon raqami beriladi.

Google Firebase Cloud Messaging — push bildirishnomalarni yetkazish; qurilma tokeni va xabar matni beriladi.

Telegram — faqat siz Telegram orqali kirishni tanlasangiz yoki botimizga yozsangiz.

Ularning hammasi ma'lumotni shu yerda tasvirlanganidan kam bo'lmagan darajada himoya qilishi shart. Shuningdek, O'zbekiston Respublikasi qonuni talab qilsa, ma'lumotni oshkor qilamiz.

4. QANCHA SAQLAYMIZ

Akkaunt ma'lumotlari — akkaunt mavjud ekan. Tasdiqlash kodlari bir necha daqiqa yashaydi va faqat xesh ko'rinishida saqlanadi. Ilovadagi harakatlar jurnali muntazam tozalanadi. Yakunlangan bronlar haqidagi ma'lumot uzoqroq saqlanadi, chunki buni buxgalteriya qoidalari talab qiladi.

5. SIZNING HUQUQLARINGIZ

Ma'lumotlaringizni «Profil» bo'limida ko'rishingiz va o'zgartirishingiz, shuningdek o'chirishingiz mumkin: Profil → Ma'lumotlarimni o'chirish. Akkaunt, kirish kalitlari, qo'llab-quvvatlash bilan yozishma va saralanganlar o'chadi. Bildirishnomalarga bergan roziligingizni telefon sozlamalaridan qaytarib olishingiz mumkin. Ma'lumotlaringiz nusxasini olish yoki ular qanday ishlanishi haqida savol berish uchun Telegramda @turchiuz ga yozing yoki +998 91 197 30 30 raqamiga qo'ng'iroq qiling.

6. BOLALAR

Xizmat voyaga yetganlar uchun mo'ljallangan. Biz bolalarning ma'lumotini bila turib yig'maymiz. Agar bunday ma'lumot bizga tushgan bo'lsa, xabar bering — o'chiramiz.

7. O'ZGARISHLAR

Siyosat o'zgarsa, shu sahifani va yuqoridagi sanani yangilaymiz.